Agoriad Canolfan yr Amgylchedd Cymru
15 Chwefror 2008
Cafodd canolfan ragoriaeth newydd gwerth £7m ar gyfer gwyddorau’r amgylchedd ei hagor yn swyddogol ym Mangor heddiw gan y Prif Weinidog, Gordon Brown.

Mae 'Canolfan yr Amgylchedd Cymru' yn dod ag arbenigedd gwyddonol Canolfan Ecoleg a Hydroleg (CEH) yr NERC a Phrifysgol Bangor ynghyd. Gyda chartref newydd mewn labordy a adeiladwyd yn bwrpasol ar gampws y Brifysgol, bydd y Ganolfan yn galluogi i’r CEH a staff y Brifysgol gydweithio’n agosach i ddarparu canolbwynt ar gyfer hyfforddiant ac ymchwil i’r amgylchedd yng Nghymru.